Құрметті оқушылар, ата-аналар, әріптестер және мектебіміздің қадірлі қонақтары!
Сіздерді Абай атындағы № 3 «Дарын» облыстық мамандандырылған мектеп-интернаты ресми парақшасында көргеніме қуаныштымын.
Біздің мектеп — тек білім беретін оқу орны ғана емес, ұлттық құндылықтарға негізделген, рухани-адамгершілік тәрбиені басты бағдар еткен, дарынды балалардың әлеуетін ашуға бағытталған ерекше білім ордасы. Мектеп миссиясы – озық ойлы, ұлтжанды, заман талабына сай білімді, бәсекеге қабілетті тұлға қалыптастыру және жас ұрпақты Абайдың «Толық адам» ілімі негізінде тәрбиелеу.
Бүгінгі таңда білім беру жүйесі үлкен өзгерістер кезеңін бастан өткеруде. Жаһандану, цифрлық технологиялар мен жасанды интеллект дәуірінде біз оқушыларға тек білім беріп қана қоймай, олардың зерттеушілік қабілетін, сыни ойлауын, көшбасшылық қасиеттерін және рухани дүниесін дамытуға ерекше көңіл бөлеміз. Осы мақсатта мектебімізде жобалық оқыту, ғылыми-зерттеу жұмыстары, зияткерлік және шығармашылық жобалар жүйелі түрде жүзеге асуда.
Мектебіміздің басты құндылығы — ұстаз бен оқушы арасындағы сенім, ынтымақтастық пен ортақ мақсат. Біз әр баланың қабілетін дамытуға мүмкіндік беретін заманауи білім беру ортасын қалыптастырып келеміз. Оқушыларымыздың пәндер олимпиадалары мен ғылыми жобалардағы жетістіктері, шығармашылық байқаулардағы жеңістері — осы жүйелі еңбектің нәтижесі.
Алдағы уақытта да біз білім мен тәрбие бірлігін сақтай отырып, ұлттық рухты жаңғырту, инновациялық бағыттарды дамыту және халықаралық ынтымақтастықты кеңейту жолында еңбек етуді жалғастырамыз.
Мектебіміздің жетістігі — ортақ еңбектің жемісі. Баршаңызға сенімдеріңіз бен қолдауларыңыз үшін алғыс білдіремін!
Ізгі ниетпен, мектеп директоры
Курмашева Анаргуль Назымбековна
Ақмола облысы білім басқармасының СЕНІМ ТЕЛЕФОНЫ
8-(716-2) 90-31-52
Мектеп-интернатының СЕНІМ ТЕЛЕФОНЫ
8-(716-2) 77-54-04
